记得某日睇陈sir节目时，讨论今年广州建城2222周年，应唔应该搞城庆的问题。有人话应该搞，趁机会打响广州的城市名片，有人话唔应该搞，劳民伤财。陈sir就提出左个好桥，就系系城庆果日大家都穿上写住“广州”的文化衫，又悭钱，又可以做到全民庆祝，真系又经济又有意义啊。

    作为一个土生土长的广州人，我总系觉得好惭愧。去到北京、上海时，我都会周街跑，但系系广州，我去过的地方就好少，对广州的了解亦好少。所以当有人话广州无文化、无历史时，我就系得个“嬲”字，唔知点去反驳。前几日有个大学同学来广州出差，我陪他去逛北京路、上下九，吃粤菜、饮双皮奶、叹下午茶，睇西关大屋，去顺记吃雪糕，去纪念堂听历史……每到一个地方，我都发觉自己的知识系几甘匮乏。

    最近发觉自己对果种睇上去好旧的低层住宅好有感觉，好想住系老城区的旧屋里面，门外有树可以乘凉，一班人坐系树下吹水，又可以系门外种d花花草草。某日坐车望住d旧屋，忽然觉得广州的历史、文化或者就系依d普普通通的一砖一瓦中。果d高楼大厦系好商业的广州，而巷仔旧屋就系好生活的广州。

    讲到广州城庆的果期节目里面，陈sir仲讲左因为要建广州6号线而要拆一德路骑楼街的事。我听到就觉得好无奈，真系觉得广州政府好缺乏远见，睇下北京的后海、上海的新天地，人地利用旧建筑搞商业，做到有声有色，广州就要为左眼前的利益，拆晒d旧建筑。唔通就唔可以想d一举两得的办法咩？仲要争咩总部经济，果d外企唔钟意米叫它们走人啰，做咩要对它们低声下气，睇它们面色做人喔。我地要扶持的应该系民营经济啊，等到自己强大了，仲惊果d外企唔翻来，乖乖地向我地交税咩。

    后年就系亚运会了，希望广州可以趁依个机会完善翻d城市基础设施建设。广州要再腾飞都唔会系一年两载的事，但系我会留系依个地方，见证她的发展。我相信广州一定得嘎^_^